Probleme të mëdha në Universitetin e Prizrenit – tensione mes Këshillit Drejtues e Ministrisë

Mbledhja e paraparë e Këshillit Drejtues në Universitetin e Prizrenit ka përfunduar gati para se të fillojë, për shkak të mospajtimeve dhe tensioneve të mëdha mes Këshillit Drejtues të Universitetit dhe Ministrisë së Arsimit.

Sipas Artan Nimanit, anëtar i Këshillit drejtues të Universitetit të Prizrenit “problemi qëndron se përfaqësues nga Ministria e Arsimit nuk janë të gatshëm që të respektojnë vendimet që të plotësohet bordi”.

Prandaj, mbledhja është shtyrë për një afat të pacaktuar.

Gjendja për momentin është e jashtëzakonshme, sepse nëse gjendja qëndron kështu si është, ka rrezik që shumica e programeve në UPZ të mos akreditohen fare, për shkak të mungesës së stafit akademik.

Kjo pasi, sipas Nimanit, ministri ka kërkuar që të bëhet ndërprerja e konkursit për angazhimin e stafit akademik dhe numri aktual nuk plotëson normat – tre profesorë për një program.

Universiteti i Prizrenit numëron rreth 17.000 studentë dhe shumicën e kohës është punuar me staf të angazhuar nga jashtë.

Mos plotësimi i numrit të stafit akademik do të përkthej në disfunksionalitet total të institucionit.