Urdhërarresti serb 1997: Thaçi sillet i armatosur dhe është i gatshëm të përdorë armët e zjarrit

Një dokument i vitit 1997 i të ashtuquajturit,  Sekretariati të Punëve të Brendshme në Prishtinë, tregon se si Hashim Thaçi ishte shpallur në kërkim nga autoritetet e Serbisë.

Në urdhërarrestin e lëshuar nga Serbia,  Thaçi përshkruhet si “pjesëtar i bandës terroriste të separatistëve shqiptarë”, si dhe një njeri që konsiderohet i rrezikshëm, pasiqë “ sillet i armatosur dhe është I gatshëm të përdorë armët e zjarrit.

Kështu shkruhet në urdhërarrestin e Serbisë për Thaçin që e ka përkthyer Periskopi:

Në bazë të nenit 551 dhe 554, të Ligjit Penal dhe aktvendimit të Gjykatës së Qarkut në Prishtinë me numër K-37/97 ministria e punëve të brendshme të Republikës së Serbisë,-sekretariati i  punëve të Brendshme në Prishtinë, për të mbajtur dënimin me burg prej 10 vjetësh është në kërkim të terroristit:  Hashim Thaçi i quajtur “Gjarpri”.

Hashim Thaçi është pjesëtar i bandës terroriste të separatistëve shqiptarë dhe komandant i të ashtuquajturës “ Drejtoria politike e shtabit të përgjithshëm të UÇK-së”. Është pjesëmarrës I shumë sulmeve terroriste në pjesëtarët e policisë në Gllogovc për carë nga ana e Gjykatës ë Qarkut në Prishtinë 11 korrik 1997 është dënuar me 10 vjet burg.  I sipërpërmenduri, kohëpaskohe qëndron në Shqipëri dhe në Zvicër, ndërsa në Kosovë vjen përmes kalimeve ilegale nga Shqipëria.  I lusim të gjithë ata të cilët dinë diçka për vendndodhjen dhe sjelljet e Hashim Thaçit ose identifikojnë në bazë të kësaj fotografie, që menjëherë t’i drejtohet stacionit më të afërt policor. Tërheqim vërejtjen se Thaçi sillet i armatosur dhe është i gatshëm të përdorë armët e zjarrit”.

Sekretariati I Punëve të Brendshme në Prishtinë

Hashim Thaçi sillet i armatosur dhe është i gatshëm të përdorë armët e zjarrit