Baton Haxhiu e quan Abdixhikun fëmijë të lazdruar dhe të lidhur me krimin e organizuar
Gazetari Baton Haxhiu, përveç pozitës, ka kritikuar rëndë edhe opozitën për qëndrimet që ka karshi dialogut Kosovë-Serbi.
Në një opinion, Haxhiu e quan fëmijë të llastuar kreun e LDK-së, Lumir Abdixhiku, edhe për faktin se nuk po e mbron një qëndrim të partisë së tij që kishte në raport me dialogun, e të cilin qëndrim po e lavdëron Haxhiu.
“Në negociatat e drejtuara nga Avdullah Hoti dhe Skënder Hyseni, qëndrimi i prerë i Kosovës ka qenë se çdo marrëveshje paraprake duhet të përfshihet në një marrëveshje përfundimtare me Serbinë, e cila përmban njohjen reciproke”, ka shkruar Haxhiu.
Haxhiu, i cili është i mendimit se çdo çështje e pjesshme e hapur me Serbinë duhet t’i nënshtrohet procesit të njohjes së ndërsjellë, thotë se sado kritikë të jenë “llafazanët mendjengushtë të VV-së”, kjo ka qenë, sipas tij, prej qasjeve më strategjike, largpamëse dhe kombëtare të Qeverisë së Kosovës në dialog me Serbinë.
