Buzhala: Haga e lejoi Stanishiqin të mbrohet në liri, ndërsa krerët e UÇK-së jo

Ish-kryetari i Kuvendit të Kosovës, Kadri Veseli, do të vazhdojë të qëndrojë në paraburgim. Pas vendimit në shkallën e parë dhe Gjykatës së Apelit, ankesën e mbrojtjes së Veselit për lirim nga arresti e ka refuzuar edhe Gjykata Supreme. Ky njëherësh, ishte vendimi i parë i një paneli të Gjykatës Supreme në Hagë, për mbrojtje të ligjshmërisë.

Në vendimin e Gjykatës Supreme të cilin e ka parë gazeta Nacionale, thuhet se mbrojtja e Veselit nuk ka arritur të evidentojë ndonjë shkelje ligjore në vazhdimin e masës së paraburgimit.

Pas këtij vendimi ka reaguar gazetari Berat Buzhala duke shkruar se “Dy vjet ne paraburgim. Mos ta harrojme kurre: ne Hage edhe Stanishiqin e kane leju me u mbrojtje ne liri. Stanishiqi ka qene shef i UDB’e”.