Haradinaj: E kam godit i pari unë rusin me grusht dhe syzet e diellit ia ngula në diell

Ish Kryeministri i Kosovës, Ramush Haradinaj ka rrëfyer përplasjen fizike me ushtarët rusë menjëherë pas përfudnimit të luftës në Kosovë.

Në një intervistë për Pressing të T7, Haradinaj u shpreh se përplasja me rusët kishte filluar pas një patrollimi të tyre ndaj tij dhe Ahmet Isufit, bashkëpunëtorit të tij – tash deputet në Kuvendin e Kosovës.

Haradinaj rrëfeu se ai e kishte nisur përplasjen me ushtarët rusë pasi “njëri prej tyre kishte kapur prej mbrapa Ahmet Isufin”.

‘Kanë dalë plot rusë dhe unë s’kam dashtë me u ndalë. Njëri e kapi Ahmet Isufin. Kur e pashë që e kapi Ahmetin më kcej filmi. E kam godit i pari unë me grusht dhe syzet e diellit ia ngula në diell. Atëherë më s’ka pasë çka me bo”, shpjegoi ai.

“Mu më morën se e ditën kush e nisi. Më morën në autoblind”, shpjegoi ai. “Me helikopter më dërguan në Malishevë në kampin e tyre”.

“Ma majshin thikën në fyt. Më thojshin kemi me të pre… e unë rrijsha si trullan”, shpjegoi ish kryeministri. /Insajderi.com