Ish këshilltari i Kushner: Dy stërgjyshërit e Thaçit kanë vdekur gjatë luftërave ballkanike kundër serbëve

Shkrimtari francez, njëkohësisht ish këshilltar i ish Kryediplomatit francez z. Bernard Kushner – Jacques Baudouin ka bërë disa krahasime interesante për zgjedhjet e pasluftës në Kosovë.

“dhe më 28 tetor 2000 u mbajtën zgjedhjet e para komunale të lira të Kosovës. Ato u fituan nga LDK-ja e Rugovës me 58% të votave. Për Hashim Thaçin 27% të votave qenë një zhgënjim. Ai e kishte fitur luftën, por humbur zgjedhjet. I njëjti fat me De Gol e Churchill (ish udhëheqësi i Francës dhe i Britanisë së Madhe) pas Luftës së Dytë Botërore. Ai e përgëzoi LDK-në për fitoren e saj, një gjest i paparë ky në skenën politike në Kosovë dhe në Ballkan, pastaj i braktisi funksionet e tij pa e zgjatur më tutje dhe doli në opozitë“.

Poashtu autori tregon se ““Gjyshi (i Thaçit) është një kundërshtar i egër i regjimit komunist dhe shtetit jugosllav. Dy stërgjyshër i kanë vdekur gjatë luftërave ballkanike kundër serbëve dhe rrëfimi i luftës së tyre, si dhe i heronjve të së kaluarës, do t’ia ushqejë shumë dëshirën e zjarrtë për pavarësi…! Arrestimi i axhës së vet Selman Thaçi më 1985, i dënuar me shtatë vjet burg ngaqë kishte bërë thirrje për krijimin e Republikës së Kosovës, i tha edhe më shumë kuptim zotimit të tij. Më 1986 Hashim Thaçi djeg një portret të Titos të varur ende në shkollën e tij të mesme, ndonëse Tito kishte gjashtë vjet që kishte vdekur. Një akt i parë modest politik që mund t’i kishte kushtuar shtrenjtë“