Vëllau i Ilir Konushevcit: Atë donin ta kthenin në njërin krah, të Xhavit Halitit ose Ibrahim Kelmendit

Saimir Konushevci, vëllau i Heroit Ilir Konushevci ka folur ekskluzivisht për televizionin shqiptar RTSH, në lidhje me ngjarjen, respektivisht vrasjen e Ilir Konushevcit.

Ai gjatë rrëfimit të tij ka treguar se “Iliri e ka penguar dikënd politikisht, Ilirin kanë dashur ta kthejnë në njërin krah, ose ka krahu i Xhavit Halitit ose ka krahu i Ibrahim Kelmendit, dhe këtu neve na dahen rrugët ne dy rrugë, sepse këtu është koncentruar se cili po e marrim Ilirin në menaxhim, dhe dikujt nuk i ka shkuar për shtati kjo, dhe kur është vra Iliri kam shkuar në Shqipëri dhe jam interesuar, jam takuar me Qerim Kelmendin se e kam njohur më herët, më ka thënë por nuk është koha për ta hulumtuar, ne e marrim përsipër, i thash kush jeni ju, tha na jemi Shërbimi Informativ i Shqipërisë, kemi me u taku me një njeri që e ka thirrë Ilirin e ai e ka emrin Raif Gashi, pastaj jam takuar me Raif Gashin e ai e ka marrë përsipër rastin e Ilirit, por drejtësia duhet ta zgjidhë rastin, Raifi e zgjedh rastin pa askënd tjetër”.