Aksident i rëndë rrugës për Gërmi, ka të lënduar

Një aksident i rëndë ka ndodhur në mëngjesin e sotëm në Prishtinë, konkretisht rrugës që shkon për në Parkun Nacional të Gërmisë.

Sipas fotove që ka dërguar në Indeksonline një lexues shohim se aksidenti është me dëme të mëdha materiale, por sipas po të njëjtave fotografi besohet të ketë edhe të lënduar.

Në vendin e ngjarjes shihet edhe auto-ambulanca. Përderisa aty kanë dalë edhe njësiti policia rrugore që po merret me rastin.

Ndryshe, sot në vendin tonë po mbizotëron mot i vanat, me reshje të vazhdueshme të shiut dhe kohë pas kohe edhe me borë.