Kërkesat e CIA-s për UÇK-në: Jo veprime jashtë Kosovës, jo ndihmë islamike, jo financim nga droga

Ushtria Çlirimtare e Kosovës, arriti përfundimisht ta çlirojë Kosovën nga pushtuesit serb, pas koordinimit dhe mbështetjes amerikane.

Në librin e autorit të njohur z. Fred Abrahams, përshkruhen çartë kushtet e CIA-s për të ndihmuar luftën çlirimtare në Kosovë.

Kushtet e CIA-s ishin;

1. Jo veprime jashtë territorit të Kosovës.

2. Jo ndihmës nga bota islame.

3. Jo financim nga droga.

Për pikën e parë pati shumë debate, sepse disa anëtarë të UÇK-së nga Maqedonia, dëshironin të nisnin një luftë më të gjerë.

Sa i përket pikës 2 dhe 3, Ushtria Çlirimtare e Kosovës ishte skajshmërisht e vendosur. Siç përshkruhet edhe në librin e z. Fred Abrahams, disa pjestarë nga Shteti i Iranit, tentuan të futen në luftën e Kosovës, megjithatë krerët e UÇK-së i kthyen pas dhe nuk lejuan të qëndronin në Kosovë. 

Pas përmbushjes së këtyre kritereve filluan edhe takimet e përbashkëta dhe trajnimet në drejtim të çlirimit të vendit.