Mehmetaj: Albin Kurti është përfshirë në fushatë në Maqedoni, për hesape të partisë fashiste VMRO-DPMNE
Gazetari Lirim Mehmetaj ka reaguar pasi Vetëvendosja është bërë pjesë e fushatës zgjedhore në Maqedoninë e Veriut, duke u bashkuar me kundërshtarët e BDI-së.
Mehmetaj ka thënë se ky veprim i Kurtit është “për hesape fashiste të VMRO-DPMNE”.
Postimi pa ndërhyrje:
Albin Kurti është përfshirë zyrtarisht në fushatën zgjedhore të Maqedonisë së Veriut kundër partive kryesore shqiptare Bashkimit Demokratik për Integrim, Aleancës për Shqiptarët dhe Partisë Demokratike Shqiptare.
Kjo për hesape të partisë fashiste VMRO-DPMNE.
Kësaj partie anti-shqiptare i konvenojnë shqiptarët të dobët, që kur të vije në qeveri partnerin shqiptar ta ketë të papërfillshëm dhe me funksione veç formale.
Këtë përfshirje Kurti e bën në kohën kur Maqedonia Veriore për herë të parë do të ketë kryeministër shqiptar dhe në kohën kur gjysma e kabinetit të qeverisë në Maqedoninë Veriore përbëhet nga shqiptarët.
Nga të gjitha lëvizjet politike të Kurtit kjo përbën veprimin më anti-shqiptar të mundshëm.
