VV sa ishte në opozitë për marrëveshjen e sotit: Marrëdhënie nënshtrimi dhe jo barazie

Marrëveshja për dokumente e cila u arrit sot ndërmjet Kosovës dhe Serbisë, dikur për LVV-në ishte produkt i negociatave të imponuara nga Serbia dhe rrjedhojë e një procesi jo të drejtë.

Madje në vitin 2011, Përfaqësues të Lëvizjes Vetëvendosje kishin kritikuar për zbatimin e marrëveshjes për lëvizjen e lirë me Serbinë.

Atëherë, ish- Kryetari i grupit parlamentar të Vetëvendosjes, Visar Ymeri kishte deklaruar se marrëveshja që po zbatohet ishte produkt i negociatave të imponuara nga Serbia dhe rrjedhojë e një procesi jo të drejtë.

“Marrëveshjet në formë konkluzionesh nga negociatat e qeverisë së Kosovës me Serbinë po përkufizojnë një marrëdhënie të vecantë mes Kosovës dhe Serbisë. Edhe pse është e vecantë, kjo është një marrëdhënie nënshrtrimi dhe jo barazie”, ka deklaruar Ymeri.

Përfaqësuesi i Lartë i BE-së për Politikë të Jashtme, Josep Borrell, ka bërë të ditur të shtunën pasdite se është arritur marrëveshja Kosovë-Serbi për dokumentet.

Sipas marrëveshjes, Kosova dhe Serbia nuk do të lëshojnë më dokumente për qytetarët e vendeve të tyre që e kalojnë shtetin tjetër. /paparaci/